चुम्बन गर्नुहोस् यदि तनावमा हुनुहुन्छ भने ?

समाजशास्त्रिहरुले चुम्बनलाई मानवको तीन मुलभूत आवश्यकताहरुमध्ये एक मानिन्छ । आदिकालदेखि मानव समाजमा प्रेमपूर्ण व्यवहारलाई महत्वपूर्ण मानिन्छ । भर्खरै रोमान्टिक पार्टनरहरुबिच हुने चुम्बनसम्बन्धि भएको एक शोध अध्ययनको नतिजाका अनुसार चुम्बनको माध्यमबाट व्यक्त गरिएका भावनाहरुले दुबैको शरिर र मनमा सकारात्मक प्रभाव पार्ने बताइएको छ । त्यसैले यदि तनावमा हुनुहुन्छ भने आफ्नो पार्टनरलाई चुम्बन गर्नुहोस् र समस्याको समाधान खोज्नुहोस् ।
एरिजोना स्टेट अमेरिकाको कोरी फ्लयड र उनका सहयोगीहरुले शोध अध्ययनलाई दुई पार्टनरहरुबिच हुने चुम्बनको फ्रिक्वेन्सी र तनाव कम हुने कुरामा केन्द्रित राखिएको थियो । अध्ययनमा विवाहित र सँगै बसिरहेका जोडिलाई समावेश गरिएको थियो । उनीहरुलाई ६ हप्तासम्म आफ्नो पार्टनरलाई अरु दिनभन्दा बढि चुम्बन गर्नको लागि आग्रह गरिएको थियो ।
६ हप्तापछि जुन जोडिले सामान्यभन्दा धेरै पटक आफ्नो पार्टनरलाई चुम्बन गरे उनीहरुको रगतमा कोलेस्ट्रोलको मात्रा कम पाइयो । उनीहरुलाई आफ्नो सम्बन्धमा अधिक सन्तुष्टि अनुभव भयो र उनीहरुको तनाव पनि कम भयो ।