मोडल पूजा लामाको पनि सेक्स भिडियो बजारमा

 नायिका नम्रता श्रेष्ठको सेक्स भिडियोको चर्चा सेलाउँदै गर्दा अर्की चर्चित मोडल तथा नायिका पूजा लामाको सेक्स टेप बजारमा आइपुगेको दाबी पत्रकार विदुर गिरीले गरेका छन् । नेपाल समाचारपत्रमा प्रकाशित आजको समाचारमा लेखिएको छ- उनको सेक्स भिडियो बजारमा आएको हल्ला केही अघिदेखि भए पनि बुधबारबाट व्यापक रुपमा साटासाट भएको छ ।

एक मिनेट २३ सेकेण्ड मात्र भिडियो रहेको उक्त भिडियोमा पूजालाई स्पष्ट देखाइएको र उनीसँगको पुरुषको अनुहार भने देखिएको छैन । तर उनीहरु दुइबीच भएको सम्वाद स्पष्ट सुनिन्छ । पूजाले कोक पिएको दृश्यबाट शुरु हुने भिडियोमा पुरुष र महिलाबीचको अधिकांश सम्वाद अंग्रेजीमा रहेको छ ।

पूजासँग सर्म्पर्क गर्दा भिडियोबारे आफूलाई जानकारी नभएको बताएको समाचारपत्रले जनाएको छ । “मेरो एउटा साथीकोमा त्यो भिडियो छ रे, उसले मलाई भोलि त्यो दिन्छु भनेको छ । त्यो हेरिसकेपछि मात्र मेरो हो कि होइन वा अरु कुरा भन्न सक्छु”, पत्रिकाले मोडल लामालाई उद्धृत गर्दै भनेको छ- “भिडियो नै नहेरी म कसरी भन्न सक्छु ।