गजिनी नायिकाले गरिन आत्महत्या

बलिउड नायिका जिया खानले आत्महत्या गरेकी छन् । उनले मुम्बईस्थित आफ्नै निवासमा आत्महत्या गरेको भारतीय समाचार संस्थाहरुले जनाएका छन् । निशब्द चलचित्रमा अभिताब बच्चनसँगै काम गरेकी २५ बर्षीया सुन्दरीले किन आत्महत्या गरेकी हुन् भन्ने तथ्य बाहिर आएको छैन् 

।gajini-heroine

पारिवारिक स्रोतका अनुसार उनी केही समयदेखि व्यक्तिगत कारणले डिप्रेशनमा थिइन् । बेलायतमा हुर्किएर भारत आएकी जियाले बलिउड यात्रा आरम्भ गरेकी थिइन् । कोठामै झुन्डिएको अवस्थामा सोमबार राति उनको शव फेला परेको हो ।

उनले गजिनीमा आमिर खान र हाउसफुलमा अक्षय कुमारसाग काम गरेकी थिइन् । क्यारियरकै सुरुवातमा ठूला स्टारसँग काम पाएकी उनी सम्भावना बोकेकी र सुन्दरी कलाकारको रुपमा चिनिन्थिन् । उनले ट्वीटर एकान्ट नफिसा खानको नामले बनाएकी छन् । उनी बलिउड प्रवेश गर्नुअघि यही नामले चिनिन्थिन् ।

करिब दुई हप्ता अघि उनले ट्वीटरमा ट्वीटरबाट बिदा हुने भनेर ट्वीट गरेक् थिइन् । उनको मृत्युको खबरले अभिताभ बच्चनसहितका ठूला कलाकारुहरुले आश्चर्य र दुःख प्रकट गरेका छन् ।